كريم برولية

الصراحة الصراحة

اني تحسفت سنين عمري الي ماسويت فيها هالوصفة.جدا جدا مناسبة كحلى بعد العشاء في العزايم. يعني من جد وصفة بسيطة وسهله, من ثلاث مكونات رئيسة و منكهه. و ممكن تسوين منها قبل يوم من التقديم.

المكونات والمقادير

كوبين كريمة (تقريبا 500 ملل)

ربع كوب سكر الى ثلث كوب \ يرجع للذوق الشخصي

4 صفار بيضات

منكهه في الفيديو انا استعملت بذور فانيلا , و من النادر الحصول عليها, وممكن تستخدم قشر البرتقال ( وفي مرة استخدمت فانيلا سائلة مع قشر ليمون والنتيجة كانت اكثر من لذيذة.

 و بس

قلت  لكم الوصفة بسيطة

الطريقة:

نسخن الفرن 300 ف 150 م

راح نستخرج بذور الفانيلا زي ما هو موضح في الفيديو .

نضع الكريمة في قدر على نار متوسطة: و نضيف البذور مع القشرة الخارجية , ونترك المزيج يوصل الى Simmer  الدرجة ماقبل الغليان , بالعربي غلي خفيف. لاني مانبغى نحرق الكريمة, و نترك المزيج لمدة عشان تغلل النكهه من البذور . وعشان كمان اذا حطيناه على البيض ما راح يخليه يستويه من شدة الحرارة.

في وعاء اخر نخفق الصفا مع السكر. انا جربت انا طريقتين ,الطريقة الاولى اني اخفق الصفار مع السكر لمحتى مايوصل الى مرحلة (الشريطة Ribbon Stage)  والطريقة الثانية المتبعة في الفيديو انو فقط يكون الخفق لمدة قصير بس عشان يمتزج الخليط . و كانت النتيجة تقريبا واحدة, عشان كذا جبت لكم الطريقة السهلة.

 نضيف الكريمة الى خليط البيض بهدوء , كع الاستمرار في الخفق.

مهم انو نصفي الخليط عشان نتاكد من نعومة المزيج.
طبعا أكيد البقايا الجملية ما نسيتهم,

منظر بذور الفانيلا من قاع القدر

نجي نتكلم عن الأوعية :

اكيد راح نستعمل أوعية مخصصة للتحمل درجة حرارة الفرن. ممكن نستعمل اكواب . و في مرة استعملت أكواب الألمونيوم الي تباع في السوبرماركت قريب المواعين البلاستيك.

يطبخ الكريم برولية في حمام مائي , ينصح و بشدة انو نضيف الماء المغلي لمن تكون الصنية في الفرن

و بعد 15-18 دقيقة نتحقق من نضوج الكريم عن طريق هزها ولازم تكون فيه حركة من النص .  و بحذر نطلعها من الموية الحارة , وتترك لتبرد في درجة حرارة الغرفة و بعد ساعة توضع في البراد حتى تبرد تماما.

طبعا كأي كاستر يحتاج وقت في البراد عشان يتماسك.

نجي لفقرة الحماس , والي هي نصف الاسم البورلية.

طبعا في كثير ناس ( و انا كنت وحدة منهم) خايفيين من مسدس الشعلة و نحس انو بس حق الشيف  و المطاعم , لكن تفاجأت  بانتشار بيع هالأداة في محلات المواعين العادية و مرة شفته في محل يا بلاش :)

طيب اذا ما عندك مو مشكلة تقدري تحمي ملعقة على غاز و بدين تحطينها على طبقة السكر , لكن هنالك مشكلتين يبغى لك تقريبا ملعقة لكل حبة :| للأسف لان الملعقة لمى تتحمى و تحرق السكر لازم لازم  تتنظف قبل الاستعمال الثاني : شفت هالحركة عند الفنانة   Raiza Costa

طبعا ابغاكم تشوفو الفرق الي بين الاثنين وانتو احكمو.

الفكرة الثالثة , انو ممكن تحطون الكريمة في الفرن على أختيار الشواية من فوق . لكن لمن جربتها كانت النتيجة غير مرضية تماما , راح تخلي الكريمة تحتر شوي.

عذرا اني طولت عليكم , لكن موضوع كلاسيكي زي هالوصفة الكلام عنها كثير ,,,,,